የፍቅር ዘፈን ግጥሞች

መንደረኛዉ ሁሉ እሳት ጫሪ ነዉ
ያንን ገል አደራ ሰዉ እንዳይነካዉ

ምነዉ ብታስጠሪኝ እኔን አስታዉሰሽ
እደጅ ተቀምጨ እቤቴ ሳመሽ

ሐምሌና ነሃሴን እንዲያ ስዋትት
እንዴት በመስከረም ባበባ ልሙት

እንደምን አድርገሽ ትራመጃለሽ
የኛን ሐገር ኣልፈሽ ሳላይሽ ያደርሽ

እጁዋን ብጨብጠዉ እጄን አወዛዉ
እንደ መቀነቱዋ ዞሬ ዞሬ እዚያዉ

እንዴት ነሽ ኣይባል ሰዉ በሰዉ መካከል
ሳያት ዉዬ መጣሁ አይን አይከለከል

ሊማሊሞ ሆኖ ይታያል ተከዜ
ከማን ይስቅ ይሆን ፍቅሬ ይህን ጊዜ

ንስር በሮበሮ ይገባል ከዋሻ
የቆንጆዎች ሀገር እንዴት ነዉ ላምዋሻ

የላምዋሻን ሎሚ መሳይ ተረከዙዋ
አልነቀል አለኝ ከልቤ ላይ መርዙዋ

አትነካኩብኝ፡ያንን ልጂ በሞቴ
እንዲያዉም ዘንድሮ ሳሰቶአል ሰዉነቴ

ላምዋሻ አመድዋሻ አሰብል አስባት
እልቤ ላይ ቆማ ታነዳለች እሳት

አሳ አበላሻለሁ አባይ ዳር ነዉ ቤቴ
ዶሮ መረቅማ ከወዴት አባቴ

ዝናቡ ዘነበ ደጋ ደጋዉን
ጎርፍ ያመጣሽ እንድሁ ከዎንዙ ልቁም

አሙት ተረከዝሽን አንቺ ሳትሰሚ
ይመስላል እያሉ ትርንጎና ሎሚ

ሰምና ወርቅ አዝማሪና ማሲንቆ

ሰኞም ገበያ ነው እግር ላደረሰው
ቦሩም ገበያ ነው እግር ላደረሰው
ሁል ጊዜ ባንቻሮ እንዴት ይሞታል ሰው

እንደምን አርገሽ ነው ልቤን የረታሽው
ከቤቱ አሶጥተሸ ከደጅ ያሳደርሽው
ባለ ብዙ ዘዴ መለኛ ነሽና
መጥተሽ ቶሎ ዳብሽኝ ህመሜ ሳይጠና

 

ሌሎች ኣስደሳች የፍቅር ግጥሞችን ለማንበብ ይመዝገቡ