የትውልድ እስትንፋስ

ሸንቁጥ አየለ: ጥቅምት/ 2005 ዓም

• ባለአዕምሮ ጀግና
• ጥበብና ፍቅር ሲይዝ ቅኔ ማህሌት ፣
• ልብን ይማርካል የሚዳሰስ እምነት።
• ሀብትም ሆነ ጉልበት  አላስታበለህም፣
• ከፍታን ፍለጋ ለወገን ስትደክም፤
• ፍቅር በመሸመን ለጥቅል ወገንህ፣
• ከፍታን ሰብከሃል በግለ ዝቅታህ።
• ከፍ በል ከፍ በል ብረር አንዳሞራ፣
• ትልምህ ኮለል ብሎ በሰማያት ይጥራ።
• የዝማሬ ድምጽህ ቢሆነን መረዋ፣
• ነባቢ ነዉ ነብስህ ይዉጣ ወደ ህዋ።
• ፈጣሪን አገኘዉ እኛን ወክልና፣
• ጥበብና ሚስጥር እንሻለን እና።
• ጥበብህ በፍቅር ታስሮ ተሸርቦ፣
• የወገን ጥላ ነዉ ዘመንን ተሻግሮ።
• ባላዕምሮ ጀግና የሚሰጥር ማህተም፣
• ጥበብና ፈቅር ከትዉልድ ሲከትም።
• ይፍለቅ ከማህጸን ባለአዕምሮ ጀግና፣
• በዘመን ሂደት ዉስጥ የወገን ከፍታ ይታወጃልና።
• ሸንቁጥ አየለ፤ ሚያዝያ 2003 ዓም፣ አአ:: ማስታወሻነቱ፤ ለባለ አዕምሮ ጀግኖችና ለወገን ለሚደክሙ ሁሉ

• ይሙት እንጅ ጀግና
• ትዉልድ በከፍታ በህዋ እንዲበር፣
• የሰዉ ሰዉነቱ ጭብጡ እንዲከበር፣
• ይሙት እንጅ ጅግና ለወገን ከፍታ፣
• እሽሩሩ በሉት ከፍኑት በበፍታ::
• አትሙት አትበሉት እንቅፋት ሆናችሁ፣
• ምቱለት እስክስታ ጀግናዬ እያላችሁ::
• ፈሪማ ከብት ነዉ ይልሳል አተላ፣
• ቁምነገሩ ለሱ ማደሩ እየብላ፣
• እንኩዋን ለወገኑ ለቄንሳዉ የለዉም የክብር አለላ::
• ጀግና ከሌለበት አይጣፍጥም አገር ገበያምአይደራ፣
• ፈሪማ አልጫ ነዉ ወጥ እንኩዋን አይሰራ::
• እዉቀት ሲተነተን በጥበብ በጸና፣
• ፍትህም ሲመዘን በልቦና ቃና፣
• የጀግና ፍሬ ነው መልካም ነገር ሁላ፣
• ገለባው የፈሪ ዕራዕይዉ ነጠላ::
• ≈      =      ≈

• ፖለቲከኛ
• አንት ፖለቲከኛ፣
• ዜጋ ነኝ ስማኛ::
• ብዬ ብጠይቀዉ ፖልቲከኛዉን፣
• እኔን ተውኝና ሊሳደብ ጀመር መሰል ጉዋደኛዉን::
• ዜጋን እናስቀድም ብለው ተማምለዉ፣
• ቃላት በቃላት ላይ በፍጥነት ደርድረዉ፣
• በፍጥነት ተጣሉ፣
• አርማቸዉን ጣሉ፣
• ደግሞ ምን አገባህ አንተን ባገር ጉዳይ፣
• አገሩ የእኔ ነው ከምድር እስከ ሰማይ፣
• እኔ እመራዋለሁ አዋቂ የታለ ደግሞስ ከእኔ በላይ፣
• አንተ ተከታይ ነህ – ለመሪነት እማ አንተ የካብ እንቡዋይ፣
• መቼም ባህል ሆኖ ተደናቁሮ ኑሮ፣
• ይጀምራል ወገን ጅራፍ በመማዘዝ ሊቀፍል ለኑሮ፣
• ቢሆን ለተልእኮ አርማዋ የአገር፣
• አገር የጋራ ነዉ ይሉንስ አልነበር፣
• አብሮነታቸዉስ ይሰምር አልነበር::

• ———————— 
• እኛም ቅኔ ልንሆን 
• ቅኔ ነች ሀገሬ – ትውልድና ስሬ ፣  ሰሙን እቆጥርና ቅኔዉን ጀምሬ፣ መዉጣት ያቅተኛል-በሀሳብ መጥቄ ፣  ደሜን አንጠርጥሬ አጥንቴን ሰንጥቄ፣ ዉሉን አላዉቀዉም በተግባር አርቅቄ::  የአዳም ስሩ ነሽ- የልጆቹ መንደር፣ የትዉልድ መፍለቂያ የአንድነት ድዉር፣  መንደርደሪያ ቀዬ – ዉህድ አምባ ምተር::  ሐመር የፍጥረቱ መፍለቂያ ዉበቱ፣ ምንጭነሽ የአዳም -መታሰሪያ እትብቱ፣ ቅኔነሽ ዝም ብሎ – ሙዳዬ ሙስጥሩን፣ ቁልፉን አንስተናል እኛም ቅኔ ልንሆን::  ————————————- ሸንቁጥ አየለ